Цæгæраты Созырхъойы ныхас. 

Ирон царды фарн хистæрæй цæуы. Кæстæртæ исынц хорз зонд æмæ фæлтæр, ахуыр кæнынц, æгъдау æмæ æфсарм сæ алыварс цы куырыхон хистæртæ фæуынынц, уыдонæй, цæвиттонæн сæ фæмысынц.  

Афтæ мах дæр, 1970-æм азты æрыгон фæсивæд, цымыдисæй хъуыстам, алы комы, алы хъæуы кæуыл æмбæлдыстæм, уыцы куырыхон хистæртæм . Абон дæр ма æрымысын Хъæдгæроны æгъдаутауæг фæрнджын, кафаг-зараг хистæрты: Сокаты Афæхъойы, Хæутаты Агубейы æмæ иннæты.  

Уæдæ уыцы заман, Иры дзырддзæугæдæр æмæ куырыхондæр хистæртæй иу уыдис Хидыхъусаг Цæгæраты Созырхъо дæр. Рухс дзæнæты бадæт. Æнæ ахуыргондæй, Созырхъо уыдис диссаджы зонд æмæ фæлтæры хицау. Уыимæ арæзта зарджытæ, цагъта хъисын фæндырæй, йæ аив ныхасмæ та йын адæм хъусынæй нæ фæлладысты.  

Кæд нæм йæ кæстæртæ фæкæсой, уæд ма бацагурдзыстæм фылдæр æрмæг ацы лæджы тыххæй æмæ йæ ам ныммыхуыр кæндзыстæм.  

Фæлæ ныр та мæнæ ам бындæр, уæ хорзæхæй, байхъусут куырыхон хистæры аив æмæ мидисджын ныхасмæ. 

Уыимæ, стыр бузныг зæгъын ацы файлтæ интернетмæ чи бахаста, уыдонæн: Цæгæраты Маратæн æмæ Дзлиаты Хъазбегæн. 

Ирон æвзаг, æгъдау æмæ иудзинады тыххæй раныхас  

Цæгæраты Созырхъо. Зæронд таурæгъ  

Кучиты Руслан  

www.ossetians.com