Æлборты Шалвайы фырт Феликс  

(1935-2005) 

Зындгонд ирон композитор, 

Ирыстоны æмæ Гуырдзыстоны аивæдты сгуыхт архайæг. 

Æлборты Феликс райгуырд Цхинвалы 1935 азы. 1956 азы каст фæци Тбилисы музыкалон скъола, 1963 азы та – Тбилисы консерватори æмæ райста композиторы дæсныйад. 1961 азы сси Паддзахадон ансамбль «Симд»-ы сæргълæууæг æмæ сæйраг дирежер. 1963 азы йæ хъуыдымæ гæсгæ Цхинвалы арæзт æрцыд музыкалон училищæ (абон хæссы йæ ном) æмæ сси йæ сæргълæууæг. 1979 азæй фæстæмæ куыста ма Хуссар Иры Наукон-иртасæг институты.  

1990 азы Феликс сси Цæгат Ирыстоны гуманитарон æмæ социалон иртасæнты институты сæйраг архайæг. 1998 азæй фæстæмæ та – Цæгат Ирыстоны Паддзахадон ансамбль «Алан»-ы музыкалон разамонæг.  

Композитор, ахуыргонд æмæ æхсæнадон кусæг, Уæрæсейы композиторты Цæдисы уæнг, Цæгат Ирыстон, Хуссар Ирыстоны æмæ Гуырдзыстоны аивады сгуыхт архайæг, лæвæрд ын æрцыд Г.Свиридовы номыл майдан - Æлборты Феликс ма уыимæ куыста адæмон аивады фарстатыл.  

Бирæ азты дæргъы концерттæ лæвæрдта куыд дирежер, пианист, органист. Йе стыр курдиат æмæ йæ уæздандзинад æй скодтой адæмæн уарзон. Уæлдай зынгонд æмæ зæрдæмæдзæугæ сты йæ уацмыстæ кинонывтæ «Ах, любовь», «Во всем виновата Залина»-йы, оперæ «Фатимæ», бакуыста «Мæхæмæты зарæг»-ыл, бирæ зарджытæ æмæ цæгъдтытæ æрæмысыд ирон фæндырæн. Уымæй уæлдай ма ныффыста Хуссар Иры гимн. Стыр куыст бакодта ирон адæмы музыкалон аивады фарстатыл, йæ бындурыл рацыд чиныг «Музыкальная культура осетин».  

Феликс бирæ скодта Ирыстоны музыкалон айвыды райрæзтæн. Йæ цард снывонд кодта йæ уарзон Ир æмæ йæ уарзон сфæлдыстадæн. Уæззау низ æмæ æвирхъау мæлæт ын аскъуыдтой йæ цард, фæлæ йæ аивад æмæ йæ ном рох нæ уыдзысты.  

рзон Ирыстон! (Любимая Алания) — государственный гимн республики Южная Осетия. Автор музыки — известный композитор Феликс Алборов. Автор слов — поэт, драматург Тотраз Кокайты