Æгас цу, Уазæг
Регистраци| Бацæуын
Внимание! При любом использовании материалов сайта, ссылка на www.ossetians.com обязательна!
Ирон Русский English



Проект по истории и культуре Осетии и осетин - iriston.com iudzinad.ru





Rambler's Top100 Индекс цитирования

Бичерахти Георги
< фæстæмæ  Фиппаинæгтæ (0)      Мыхуыры рауадзын

Бичерахти Федыры фырт Георги  

 

Урс-гвардион булкъон (фæстæдæр – инæлар) Бичерахти Лазары æфсымæр. 

Меншевик. Урс æфсадон хъазахы 1918 азы революцийы (коммунистты) ныхмæ сыстады амидингæнæг æмæ сæргълæууæг. Фæстæдæр – «Терчы зылды рæстæгмæйы адæмон хицауады» сæргълæууæг. 

1918 азы февралы мæйы, Мæздæджы, ирон инженер Бичерахти Федыр йæ сæрдар афтæмæй, арæзт æрцыдис Терчы зылды хъазах æмæ зæххкусæг адæмы фыццаг съезд (congress). Уым цæхгæр æвæрд æрцыдис хъазахъаг адæмы геноциды (genocide) ныхмæ мадзæлтты тыххæй. Мæхъæлы астæу æхсæнмæ ‘хсæн цы цалдæр хъазахъаг хъæуы уыдис, уыдоны адæм коммунистты уынаффæмæ гæсгæ, фыдмитæй æмæ тыхы фæрцы сæ бынатæй тард цыдысты. Уыцы хъæуты фæстæдаæр æрцардысты Мæхъæл*. 

 

Бичерахты Георгийы ныхасæй:  

«Мæхъæлон адæм болшевикты (коммунистты) æварс фесты, цæмæй уыдоны æххуысæй баххæст кæной сæхи нысан – хъазахы атæрыны фæрцы, сæ зæххытæ баиу кæнын, æмæ уымæй сæ фадаттæ фауæрæхдæр кæнын»  

 

1918 азы августы Бичераховы хъазахаг æфсæдтæ (12 000 салдатæй фылдæр) æргом сыстадысты коммунистон хицауады ныхмæ æмæ сæ фæтардтой Владикавказæй. Фæлæ аст боны дæргъы карз тохæ фæстæ болшевиктæ мæхъæлы æххуысæй сахар фæстæмæ байстой. Урсгвардионтæ æмæ хъазахæгтæ саты фесты. Фæуæлахизуæвджытæ агæрах кодтой бирæ офицерты æмæ ирæтты.  

Уыцы хабæрттæй чысыл раздæр мæхъæлæттæ Вассан-Гирей Джабагиевы разамындæй ныддæрæн кодтой Тарскийы хъазахъаг хъæу. Фæстæдæр Тарски, Сунженски, Воронцовско-Дашковски (Ахки-Юрт) хъæуты алыварс æфсæдтæй тæлм æрывæрттой. Хъæуты цæрæг хъазахаг адæммæ фидар бадзырд барвыстой: 

«Гæрзтæ æвæстиатæй æрæвæрут æмæ дыууæ боны æмгъуыдмæ хъæутæ суæгъд кæнут. Алидзут Теркæн йæ фаллаг фарсмæ!»  

Кæронбæттæны, 1922 азы хъазах уыцы хъæутæй тард æрцыдысты, æмæ дзы мæхъæл æрцардысты.  

------------------------------------ 

 

* Уыцы цалдæр хъæуы абон дæр сты дзырддаг мæхъæл æмæ ирон адæмы ‘хсæн. 

Дыккаг Дунеон хæсты рæстæг, 1944 азы 23 февралы, мæхъæлы æхсæн фыдракæнджытæ, абырджытæ, дезертиртæ æмæ немыцы фарс чи хæцыдис ахæмтæ бирæ кæй уыдис, уый тыххæй, И.Сталины бадзырдмæ гæсгæ æгас мæхъæлон адæм дæр иу бонмæ хаст (æрвыст) æрцыдысты Казахстаны (Астæуыгкаг Ази) æвадат зæххытæм. Сæ хъæутæ лæвæрд æрцыдысты ирон адæмы къухмæ, уыдонимæ ацы цалдæр (1922 азы агъоммæ – хъазахъаг) хъæуы дæр. 1957 азы уæды Советтон хицау Н.Хрущев бар радта мæхъæлæн æмæ иннæ хаст адæмтæн фæстæмæ сæ раздæры зæххмæ сыздæхын. Мæскуйæ бардзырдмæ гæсгæ ирæттæ суæгъд кодтой, ныр 12 азы кæм фæцардысты, уыцы хъæутæ, æмæ та сæхæдæг æнæхæдзар фесты. Мæхъæл сæ зæххытæ фæстæмæ райстой, ацы цалдæр хъæуæй фæстæмæ. 

Уыдоны ныхмæ уæды Цæцæнæ-Мæхъæлы Республикæйыл æфтыд æрцыдис фылдæр зæххытæ цæгат фарсæй. Уыцы хъæутæ ныр 60 азæй фылдæр хауынц Цæгат-Ирыстоны Горæтгæрон районмæ æмæ сты ирон адæм æмæ мæхъæлы хсæн быцæуы хос. (Р.К.) 

 



 Фиппаинæгтæ (0)      Мыхуыры рауадзын
 
Зындгонд ирæттæ