Æгас цу, Уазæг
Регистраци| Бацæуын
Внимание! При любом использовании материалов сайта, ссылка на www.ossetians.com обязательна!
Ирон Русский English



Проект по истории и культуре Осетии и осетин - iriston.com iudzinad.ru





Rambler's Top100 Индекс цитирования

Малиты Геуæрги
< фæстæмæ  Фиппаинæгтæ (0)      Мыхуыры рауадзын

Малиты Гæдойы фырт Геуæрги 

(1886-1942) 

 

 
Малиты Геуæрги – курдиатджын поэт, лирик . Фыста æмдзæвгæтæ дыгуронау æмæ уырыссагау. Йæ мадæлон æвзагыл цы уацмыстæ сфæлдыста , уыдон сты аив, мидисджын,се ‘взаг у адæмон. 

Геуæрги уыд зæхкусæджы фырт. Райгуырд Чырстон хъæуы. 1902азы каст фæци Махческы дыууæкъласон дины скъола. 1904 азы бацыд Æрыдоны семинары цæттæгæнæг хайадмæ , стæй ахуыр кодта семинары. Каст æй фæци – рæстдзинадыл кæй дзырдта , уый тыххæй цухгонд æрцыд. Дарддæр ын нал фæци ахуыры фадат . Куыста хъæуты куы писырæй , куы ахуыргæнæгæй , фæлæ йæ царды сæйраг фæрæз уыд зæххы куыст. Революци æмæ мидхæсты заманы хæстæг арбалæууыд , ног цардыл чи тох кодта, уыдон ранхъытæм .Советон заманы дæр йæ царды уаг нæ аивта – уыд ахуыргæнæг ,зæхкусæг æмæ поэт . 1937 азы ахст æрцыд . Амард хасты 1942 азы. 

Поэтæн йæ заманы рацыд дыууæ чиныджы: «Горские мотивы» (Берлин , 1924) æмæ «Ирæф» (Дзæуджыхъæу,1935) . Поэты уырыссаг æмдзæвгæты ис хицæн æнтыстытæ, бæрзонд поэтикон хъуыдытæ , аив нывтæ , фæлæ дзы уыдоны æмрæнхъ зыны уырыссаг поэзийы тыхджын æндæвдад. Уый хыгъд йæ дыгурон уацмыстæ сты оригиналон, фидауцджын. «Ирæф» у ирон литературæйы зынгæдæр фæзындтæй иу . 

Бæрцæй бирæ нæу Геуæргийы лирикæ. Парахат нæу йæ тематикæ дæр, фылдæр дзы ис интимон сагъæстæ . фæлæ йын æцæгæлон нæ уыдысты социалон фарстытæ дæр . Йæ фыццагдæр уацмыстæй поэт иу схуыдта «Цъифæ рæстæги» (1915). Æвдыст дзы цæуы æнæбар , æфхæрд адæмы уавæр . йæ сæргонды и символон мидис – мигъ, къæвдаджын æрхуым бон у рæстæджы иумæйаг фæлгонц . Ахæм уавæрты адæймаг у ссæст, дæлдзиныг , адæмы цардæн нæй бæлвырд нысан, æмæ фæндаг нæмынц зулчъытау . Лирикон хъайтар йæхима кæсы æнæбон , зæхх дæр ын мысты къахæй ныцæййагдæр у, фæлæ уæддæр нæ мæлы йæ бæллиц , уый йын рухс кæны йæ зонд , разæнгард æй кæны цæргæсау тæхынмæ . Ахæм у æмдзæвгæ «Гоби»-йы (1916) хъайтар дæр . Гоби æфхæрд у йæ дугæй, йе ‘мгæрттæй , йæ уавартæй . Фæлæ æнæхæлгæ у йæ адæймагон удыхъæд . Йæ бæллиц у нæ зынгæ лæгтимæ сæ тохы цæуын , йæ сагъæстæ , йæ сæнттæ зарæджы ракæнын. 

Уыцы бæллицтæ поэт æмæ йæ хъайтары революцийы заман æркодтой тохы фæндагмæ . Геуæргийы программон æмдзæвгæ у «Федог» (1919). Ам автор ног уавæртæм гæсгæ дарддæр кæны Къостайы «Балцы зарæг»-ы традицитæ . Æмдзæвгæ æмткæй у символон, фæлæ йæ хъуыдытæ сты бæлвырд .Поэты социалон нысан у : тары сæрибар ссудзын, мигътæ фæсурын, цæмæй цард мауал уа хъизæмар. Йæ этикон нысан у ныфс æмæ лæгдзинад уарзын , хорз хъуыддæгтæ æмæ сæрибар æгъдæуттæй æнусон ном скæнын . Цард дугъ , æмæ худинаг у уым фæстаг уæвын. Рухсмæ тындзын, арвмæ мæсыг амайын, хурмæ фæндаг скæнын – уыдон поэтæн сты зонд, аивад æмæ сфæлдыстады символтæ, уыдонæй адæймаг хъуамæ уа хайджын. Ахæм у поэты эстетикон фæдзæхст . Кæд Гоби кæнæ Дзиддзил («Дзиддзил»,1916) тæригъæддаг сты сæ уавæрты азарæй, уæд Фидиуæг та у хъару ,ныфс æмæ хъуыдыйæ æххæст æмæ ифтонг адæймаг . Тохы цæхæры басыгъд йæ хæфсы цъар, æмæ дзы рацыд аргъæутты хъайтары хуызæн лæг , нæртон адæймаг. 

Ацы рæнхъы лæууы æмдзæвгæ «Тоходуй,æна» дæр (1934). Ам баиу сты бæллиц æмæ катай. Лирикон хъайтар, æрыгон чызг, бæллы дунейы диссæгтæ базонынмæ, Ацæмæзы курдиатмæ, йæ аивадæй дунейы мæгуыртæ æмæ сидзæртæн ныфс раттынмæ; йе 'хсæнадон идеал у дунейы иумæйаг фарн: уарзондзинад, фидыд, сабырдзинад , хæцæнгæрзты сæфт . Ам поэт пехуымпарау æвæры фидæны проблемæтæ. Фæлæ уыимæ уыны æмæ æнкъары фидæны трагедитæ дæр . Лирикон хъайтары чызгон зæрдæ нæ рухс кæны, уымæн æмæ хаты дунейы сæрмæ «тугъдон мегътæ»- уыдон сты канд фидæны хæстыты символ нæ , фæлæ æртын æвдæм азы æфхæрæн акциты нысæнттæ дæр. 

Лиризмы рухсæй æрттивынц Геуæргийы æмдзæвгæтæ «Зар», «Æлхуйнæ».Уыдоныы сыгъдæг национ æууæлты, колоритон нывты райхæлы уарзондзинады темæ. Уыдон бæрзонд кæнынц арф æмæ уæздан æнкъарæнтæ. 

Аив æмæ мидисджын сты Геуæргийы поэмæтæ. Уыдонæн ис эпикон нывæст , фæлæ хайджын сты лиризмы æууæлтæй дæр. Поэт-гуманист у фæллойгæнæг адæмы зарæггæнæг. Уый лæмбынæг кæсы адæмы зæрдæмæ, уыны дзы æвæрд тыхтæ, æвидигæ фидауц. Æвдисæн – поэмæ «Гудзуна»(1934). Поэтæн йæ лирикон хъайтар куыд рæзыд уавæртæм гæсгæ, афтæ рæзы поэмæйы сæйраг архъайæг Гудзуна дæр. Уый у мæгуыр фыййау , зилгæзæнгой,сæмпæрчьи, æмгæрттæн – хъазæн хъул, чызджытæн – худæджы хос. Ис фæныккуызы уавæры. Фæлæ йын поэт йæ хуымæтæг сурæты уыны æцæг адæймаг, хаты йын йæ курдиат , йæ лæгдзинад . Гудзуна уадындзæй цæгъдынмæ у Ацæмæз. Сæр куы бахъуыд, знаг нæ бæстæм куы лæбурдта, уæд та разынд æппæты сæрæндæр хæстон . 

Поэт йæ кадджыты æвæры социалон æмæ этикон фарстытæ. Фольклорон кадæджы традицитыл амад у поэмæ «Гъонгæси фурт мæгур Мæхæмæт».Гудзунайæ хъауджыдæр, Мæхæмæт у хæрзконд, бакастджын. Ханы чызг æй йæ зæрдæма айсы канд йæ уынды тыххæй нæ, фæлæ йæ хъару æмæ йæ курдиаты тыххæй дæр. Поэт æвдисы адæмон характертæ.Стонг азы Мæхæмæты раз ис иу нысан- куыст ссарын, йæ ныййарджыты дарын. Тыхст заманы дæр у ныфсхаст, цух нæ уадзы йæ уасæн хæтæл– «йæ дыккаг зæрдæ». Хъæздгуытæ æмæ мæгуыртæ, барджынтæ æмæ æфхæрдтæ цы ‘хсæнады ис, уым трагикон у адæймаджы хъысмæт. Мард æрцыд Мæхæмæт, ханы чызджы кæй бауарзта, уый тыххай, мæлæт ссардта Гиданнæ рæсугъд дæр. Сæ трагеди у социалон быцæуты фæстиуæг. 

Малийы-фырты поэмæты хъайтартæ сты «мулкæй мæгуыр, лæгдзинадæй хъæздыг». Ахæм у Темур-Алсахъ («Темур-Алсахъ», 1934). Поэмæ у романтизмы хуыздæр фæткыл амад. Йæ хъайтар у æнæрцæф,сæрыстыр лæппу, йæ идеалтæ- патриотизм, намыс, сæрибар. Темур-Алсахъ фæмард кæсгон æлдæрттимæ тохы. Йæ фæстæ баззад йæ ном, йæ кад, йæ зарæг. 

Поэты сфæлдыстады зынгæ бынат ахсы сылгоймаджы хъысмæт. Уыцы хъысмæт у трагикон («Кизги зар» , «Джуле», «Скъæвди гъарæнгæ», поэмæ «Дзандзирахъ», балладæ «Месть»). Йæ аххосæгтæ –æхсæнадон уавæртæ, фыдæгъдæуттæ, эгоизм. Поэт-гуманист нын цы сылгоймæгты фæлгонцтæ æвдисы, уыдон сты удæй сыгъдæг æмæ уæздан, уындæй – рæсугъд, курдиатæй – æххæст . Афтæмæй æнамонд кæй сты, уый сын бæрзонд кæны сæ трагедии. 

Геуæргийы уацмыстан сæ сюжетон арæзт, сæ композицион нывæст сты дæсны конд, йæ поэтикон æвзаг у хуымæтæг–сыгъдæг, рæстдзæвин , нывæфтыд. 

 

 

 

 

 

 

 

 

"ТЕМУР АЛСАК". 

 

Фонд "ДРУЗЬЯ ОСЕТИИ". Проект Марата Камболова. Фильм по произведению великого осетинского поэта Георгия Малити "ТЕМУР АЛСАК".  

Режиссер А.Салбиев 

Принимали участие : В.Лановой, Л.Чурсина, Зара ( Зарифа Мгоян ), А.Ливанов, А.Михайлов, А.Панкратов - Черный, Д.Харатьян, А.Носик, Ф.Царикати, Р.Битаев, Г.Джабиев, Zara Tataunoff ( Бразилия ), З.Плиев, артисты конного театра "Нарты", гос.ансамбля "Алан", "Горец", "Кубады"и др. 

Каскадеры : El. Urtaev, Al.Urtaev, Ar.Urtaev.( ЮАР ) 

Продюссеры : Ал.Камболов, Ар.Камболов. 

Операторы : А.Дзобаев, А.Аслоянц, В.Порхунова. 

Администратор : С.Ватаев 

Директор : Т.Мурашев 

 



 Фиппаинæгтæ (0)      Мыхуыры рауадзын
 
Зындгонд ирæттæ